Positivity rate ng NCR Covid-19 bumaba sa 3.7%

Bumaba pa sa 3.7 percent ang positivity rate o ang bilang ng mga taong nagpositibo sa coronavirus disease 2019 (Covid-19) sa National Capital Region (NCR) simula Enero 14.
Ang positivity rate ng rehiyon noong nakaraang linggo, noong Enero 7, ay 5.8 porsyento.
“Low positivity rates also observed in ten other provinces in Luzon,” sabi ni OCTA Research Group fellow Dr. Guido David sa Twitter nitong Lunes.
Kabilang sa mga lalawigang ito ang Batangas, mula 4.9 porsiyento hanggang 3.2 porsiyento; Benguet mula 5.3 porsiyento hanggang 3.6 porsiyento; Bulacan mula 3.5 porsiyento hanggang 2.3 porsiyento; Cagayan mula 7 porsiyento hanggang 3.9 porsiyento; Cavite mula 5.5 porsiyento hanggang 3.2 porsiyento; Ilocos Norte mula 4.3 porsiyento hanggang 3.9 porsiyento; Laguna mula 7.3 porsiyento hanggang 4.4 porsiyento; Pampanga, 5.5 percent hanggang 2.6 percent; Pangasinan mula 4.3 porsiyento hanggang 3.9 porsiyento at Zambales mula 8.4 porsiyento hanggang 4.1 porsiyento.
Ang positivity rate ng Isabela ay tumaas mula 35.1 percent hanggang 50.2 percent na itinuturing na “very high”.
Noong Enero 15, ang nangungunang limang lugar na may pinakamaraming kaso ay kinabibilangan ng NCR na may 96 na kaso at ang mga lalawigan ng Rizal na may 16; Bohol na may 10; Cavite na may 10; Davao del Sur na may 10; at Tarlac na may 9.